كان زمان ويحدث الآن

-

من الفيسبوك :
الزمان سنة ١٩٥١ 
- منقول -
المكان...كوبري قصر النيل..
اصطدام سيارتين...
سائق السياره الاماميه ينزل مهرولا الي السياره التي صدمته من الخلف...
هو:بون سوار يا هانم..
هى:بونسوار
هى:تبكي وكفيها علي وجهها اهئ اهئ اهئ
هو:حضرتك بخيريا هانم...
هى:اهئ....ايوه بس مخضوضه
هو:الحمدلله بسيطه يا هانم...
هى:باردون سرحت ومالحقتش ادوس الفرامل..
هو:حصل خير...المهم انتي بخير...
هى:ايوه بس لازم اصلح لحضرتك العربيه...
هو:ابدا ابدا يا هانم دي حاجه بسيطه...
عسكري المرور:سعيده يا هانم...
هي:بونسوار
العسكري:حضرتك غلطانه يا هانم...
هو:ايوه ياحضره الشاويش ...وانا متنازل خلاص
العسكري:طيب سلام عليكم..
هو:تحبي نقعد في جروبي تشربي لمون يروق دمك علشان تعرفي تسوقي...
هي:ممكن نقعد في الامريكين ناخد تروا بيتي كوشون.....
نفس الحادث سنه ٢٠١٨ علي كوبري اكتوبر..
بعد التصادم....
نزلت سائقه السياره الخلفيه مسرعه الي سائق السياره الاماميه...الذي بدوره يستعد للنزول ايضا
هى:انت البعيد حمار ...بهيم مين اللي ركبهالك ياتور
هو:جري ايه يا زباله انتي ده انتي اللي خابطاني من ورا يعني انتي اللي غلطانه ياحيوانه...
هى:انا غلطانه طب قشطه وحياه امك مانت ماشي من هنا الا لما تتروق...
هو:بقولك ايه انتي شكلك شمال وانا مش فاضي لاهلك..
هى:لا تفضالي ياحيلتها ده انت ليلتك زي وشك..
امين الشرطه:انتي اللي غلطانه ياست انتي اللي خابطاه من الخلف...
هي:خلف ايه انت راخر ولا تحب اعمل تلفون دلوقتي تقطع فيه الخلف...يا تقول كلمه عدله يا تتكل علي الله..
امين الشرطه:عايز منها حاجه يابيه
هو:ماباخدش عوض ياعم..
هى:عوض مين يا روح خالتك ده اللي ناقص ...
امين الشرطه:خلاص ياست مع السلامه الراجل متنازل....
: هو ده ملخصاخلاق مصر زمان والان
منقول

تعليقات

إرسال تعليق