من حوارات الآثاريين والتأريخيين

17-3-2016

Mohamed Bakier‏ إلى Egyptology علـم المصــريــات

قال الشاعــر:
لكل داء دواء يستطب به ... الا الحماقة أعيت من يداويها
نذكرت هذا البيت من الشعر وأنا أشاهد آخر فصول مهزلة الوزير الأحمــق وحكاية مقبرة نفرتيتى , هل الى هذا الحد يتدنى هذا الرجل والمفترض فيه انه عالم لدرجة تجاهل ما هو فى حكم اليقينى فى تاريخ مصر , وأقصد به عدم امكان العثور على أى جزء ولو أصبع واحد من جثمان الملك الموحد أخناتون وزوجته نفرتيتى بعد أن مثل بهما كهنة آمــون الذين اعتبراهما من المهرطقين الواجب حرمانهما من الحياة الأبدية بتدمير جثمانيهما وفقا للعقيدة المصريه .
انساق الرجل وراء تخاريف رجل انجليزى قالوا عنه انه عالم مصريات , وهو ليس كذلك , بل باحث عن الشهرة والضجيج الاعلامى ليس الا , وبدافع من حرص على الاحتفاظ بالمنصب الوزارى ونحن على أعتاب تغيير وشيك ربما طاله , حرص الأحمق على الظهور الاعلامى الغبى والتهتهه بلغه لا يجيدها والذى لم يقدم شيئا ولن يقدم .
صباح التغيير الوزارى يا معالى الوزيــر .. !
تعليقات ومجادلات :
التعليقات
 Mohamed Radwan فضيحة

 Mohamed Sabry El Sadany كان استاذى في الجامعة وكان شخص مختلف عن الآن صحيح الكرسي بيغير.

Dahlia Saad Eldin اتفق معاك تماما فيما تعلق بالوزير، بس أختلف قطعا معاك فيما تعلق بالتاريخ، لإن مافيش يقين فى التاريخ

Mohamed Bakier انا قلت ما هو فى حكم اليقين .. !

Dahlia Saad Eldin برضو اسمحلى، مافيش "ما هو فى حكم اليقين..!" - من وجهة نظرى - فيه عندنا افتراضات مبنية على جانب من الحقائق، ومش كل الحقائق، وبالتالى ففيه نسب ما من التأكد يشوبها نسب ما من الشك، ومن ثم النتائج الافتراضية والأطروحات المختلفة، بتعمل إثراء لعمل التاريخ، وإلا إيه لزمتنا كمؤرخين لو فيه "ماهو فى حكم اليقين"، مش حنشغل، ولا حد بالتالى حيشتغل، لإننا حنعول على الاحتمالات الأكتر لليقين، وبالتالى ممكن جدا حد يطلع يمنطق بعض النتائج الافتراضية لصالح "فكرته اليقينية أو المحتمل "كونها يقينية" من وجهة نظره
معلش يمكن ده عيب فيا انا، إنى مابقبلش بفكرة "المسلمات" أو ما يشكل حكم مسلم به
أ 
Salah El Din Mohssein
  جدل فلسفي بأكثر مما هو تاريخي أو آثاري ههههههه
  
Mayer Magdy انا عن نفسي ، اوافقك تماما في الجزء التاريخي، فمن رائي ان الكهنة الذين ازالوا حتي الخراطيش للملك اخناتون لكي لا يتعرف البا علي الاخ في العالم الاخر ولكي لا يحيا في العالم الاخر، فلن يسمحوا لا بدفنة ولا بدفن زوجتة في الوادي المقدس.
اما عن العالم الجليل.......فلا تعليق غير لكي الله يا اثار مصر 

 George Saad...كويس ان البوست ده جه في وقته دنا كنت مترجمه الخبر ده والغريبه انو من مواقع اجنبية من المفترض اننا واثقين فيها ...
 Halima Moussa كويس ان البوست ده جه في وقته دنا كنت مترجمه الخبر ده والغريبه انو من مواقع اجنبية من المفترض اننا واثقين فيها ...
George Saad للسه شايفه على تريللو .. و بصراحة شايف ان التصرف الصح هو اننا نكمل لأن المواقع موثوق منها و الدولة كلها بتتحرك فى الاتجاه دة
يعنى الموقف الرسمي داعم للراجل دة .. بغض النظر عن انه نصاب ولا لأ

شخصيا، انا متوقع انه مش هيلاقي حاجة فعلا، لكن واجبنا اننا نقول ان فيه تحرك فى الاتجاه دة، و نراعي اننا منأكدش المعلومة على الناس .انتى اية رأيك؟

Halima Moussa في الحقيقه نفضل اننا نبتعد عن اي أمر مثير للجدل ممكن يأثر علي الصفحة ...

George Saad مهو احنا لازم ننوه ان الكلام دة يحتمل الصواب او الغلط
المشكلة فعلا ان دة تحرك رسمي من الدولة

Ťâhä Šhãhěëń دا شخص جزمه والله لازم يتحاكم 
ورأيي في مقابر الملك اخناتون والملكه نفرتيتي هو في نسبه ضعيفه لوجود مقبرة للملك اخناتون والملكه نفرتيتي وانا متأكد انها موجوده بس اكتشافها محتاج لحل ألغاز كتير

Ahmed Fawzi ازاي الكلام ده حضرتك .. انا كنت في المتحف المصري من اسبوعبن وشوف هيكل عظمي لاخناتون .. الهيكل ده fake بقا ولا ايه ؟!!!

Mohamed Bakier اللى شوفته ليس ما تسميه هيكل عظمى لاخناتون .  !

Ahmed Fawzi امال ده ايه ؟

فيلسوفه بيروينه :
 ربنا يخلصنا منه ويرزقنا بوزير اخر فاهم وعنده ضمير 
----