ما ذكرنا به الفيسبوك اليوم 25-9
" ليس بالخطب الفصيحة وحدها تحيا الشعوب
يرحمك يا عبد الناصر .. كنت تخطب الخطبة . اللي ما عندوش في بيته خبز , يقعد شهر شبعان من الخطبة ... ..
ناس تفرحها قوي الخطب , لسه بتموت في الخطب الرنانة المحبوكة المسبوكة . يا حلاوتها , وحلاوة اللي بيكتبوها للرؤساء ..
من يومين اتنين بس ضباط مقتولين بسقوط الطائرة العسكرية , وقبلهم في سيناء , وقبلهم في الفرافرة . ضباط جيش وشرطة . وناس بتتحطف في الصعيد .. كل يوم والتاني علي كده ... لكن كله ده : الخطبة التمام . بالذات في هيئة الأمم . بتنزل علي...ه زي المرهم علي الجرح .. باسلام ع الخطب . يا حلاوة الخطب .. كده حينوقف الارهاب والقتل ونسف المنشآت العامة .. بالخطبة
زغرتي ياللي موش غرمانة ..
زغرتوا يا اللي ملكوش حد مات في الطيارة التي رافقت طائرة الرئيس . زغرتوا يا اللي لا لكم ضابط شرطة اتقتل . ولا لكم ستات بأطفالهم اتخطفوا في الصعيد . ولا لكم حد اتخطف واتقتل رغم دفع الفدية المطلوبة ..!! ولا لكم حد مات في غرفة الانعاش بمستشفي بسبب نسف برج كهربا ....
زعرتي يا اللي موش غرمانة .. وانقشي الحنة في ايديكي ورجليكي - وحاجة تانية - فرحا واحتفالا بنجاح خطبة : حتوقف الارهاب وتخفض لهيب الأسعار . وحتوقف ظاهرة خطف الناس في الصعيد والعريش وطلب فدية .... "
Salah El Din Mohssein
تعليقات
إرسال تعليق