فرعونيات
بنات ايزيس - ٢٢ يوليو ٢٠١٥
اسمعوا مني الكلمتين دولت انا عارفة ان هما كلمتين تقال قوي قوي علي المصرين
بسمع كثير اسطوانات مشروخة انتي عاوزة ترجعينا للماضي
احنا هنفضل نتفشخر بالسبع الالف سنة وغيرها من الاسطوانات المشروخة الكثيرة
بصوا كدة ونفكر بعقلنا شوية
احنا كشعب مصري لا يعرف عن تاريخة شي وهوايته مفقودة ومش عارف يميز بين الهوية القومية والدينية
والطفل المصري مش عارف حاجة عن تاريخ بلاده زيه زي حال الكبار
نيجي لنقطة الثقافة والمعرفة
هقول حاجة ويعرفوها اللي بيشتغلوا في مجال الارشاد كويس لما بيتعامل مع سائح فرنسي او الماني السايح دة بيكون فاهم ودارس كويس جدا جدا للحضارة المصرية والفكر المصري
وبالنسبة للطفل الالماني الطفل الالماني يعرف اكثر منك يامصري عن تاريخ وحضارة بلادك مع انه طفل ومش دي حضارة بلده
نيجي للنقطة الهوية
نيجي نبص علي امريكا مثالا دولة متقدمة بس بتلاقي اهلها دارسين لتاريخ الغرب القديم وفي احتفالات من الغرب القديم واحتفالات خاصة بكل ولاية امريكية
نيجي مثالا للصين الصينين اه شعب متقدم ومكافح وبتاع شغل بس ما اتخالش عن هويته الصينية في ابسط تفاصيل حياته ما اتخلتش الصين عن احتفالاتها القومية ولا النظام المعماري القديم ولا فنونها ولا زيها القومي بالعكس الصنيون بيحتفلوا باعيادهم القومية وبيلبسوا فيها الزي القومي الخاص بيهم
وكذلك الشعب الياباني وشعوب تانية كثيرة
نيجي للهند الهند بتصدر ليك ثقافتها وفنونها وعاداتها وتقاليدها وجزء من تراثها وهويتها في الافلام الهندية تخيليوا مهرجان الالوان اللي احنا بنحتفل بيه في مصر هو مهرجان هندي وسابين اي مهرجان يخص حضارتنا
نيجي للعرب بقي تلاقي العربي علشان معندهوش تراث او تاريخ يفتخر بيه تلاقي عامل ليك قرية تراثية محتفظ بشكل البيوت العربية القديمة والخيمة والناقة ويعمل ليك مهرجانات احياء التراث العربي وكدة
الا صحيح مش العرب دولت مسلمين ليه ماطلعش حد من الحلوين يقولهم انتوا مسلمين ما ترجعوش جلسات الشعر ولا الرقص الخليجي ولا مسابقات الخيل والشعر لانه ثراث من الجاهلية ها اتكلموا ليه محدش قال ان دي عادات مش بتانسب مع الاسلام ولا ساعه الحضارة مصر كله يتكلم ويبقي لسانه طويل
واحنا كامصرين عندنا حضارة سبع الالف سنة مش عارفين عنها حاجة ولا الهوا ولا نحافظ علي تاريخنا ولا تراثنا ولا هويتنا ولا حتي بحاول اعادتها وكل العالم بيحترم حضارتنا واحنا لا مع اننا الاصل بس لان المصري شايف ان حضارة اجداده حضارة لشعب وثني
علي فكرة يامصري انت مسروق منك هويتك وتاريخك وتراث اجدادك خاليك واقف في مكانك علي فكرة علوم اجدادتك في الفلك والطب والهندسة وغيرها انت
محروم منها خاليك كدة !!
تعليقات
إرسال تعليق