نموذج ممتاز ليته يتكاثر ويكثر

-
منقول من الفيسبوك 2-9-2019
  الضابط المحترم ده اسمه نقيب / محمد عرابي ضابط مرور بمدينه نصر و انا أصريت اعرف اسمه لان الموقف الي عمله قدامي بصراحه موقف في قمه الرجوله_ انا متعود اركب من امام نادي السكه وانا مستني الميكروباص و فجأه بياع سوبر ماركت بيجري خلف طفل لا يتعدي ال ١٠ سنوات و بيقول حرامي و كان الطفل بيجري اتجاه الضابط و لم يكن يلاحظ وجود ضابط شرطه فإذا اصتدم الطفل بالضابط و اذا ببياع السوبر ماركت بيقوله (الله ينور يا باشا ده حرامي ) الضابط تجاهل بياع السوبر ماركت و بص للولد و قال له( انت اخدت ايه) فوجد في ايده كيس عيش و كيس شيبسي فالطفل بص للضابط و قاله (ونبي متحبسنيش يا باشا) قاله (متخفش يا حبيبي) و قام اخرج محفظته امام الناس و بص للبياع قاله (بكام دول) قاله (١٥ جنيه) و خرج الضابط الفلوس من المحفظه و قال للبياع (امسك !!) 
وسط منظر تعجب منه الناس قال له (يا باشا ده عيل متشرد حرامي متعود يعمل كده سيبهولي بس انا هاكله علقه اخليه يحرم) _ نظر الضابط للبياع نظره غضب و قاله كلمه بقيت ترن في اذني ( لما طفل عنده ١٠ سنين ياخد منك اكل و يجري ده ميبقاش اسمه سرقه ده يبقي اسمه جوع . يلا يا استاذ اتفضل روح علي محلك) وسط ذهول كبير من الناس إن الضابط ميهمهوش منظره وسط الناس ولا برستيجه و يدور بين الضابط و الطفل حوار في قمه الروعه و الطفل بعد ماكان منهار في البكاء يمشي بيضحك و هو بيقول للضابط( يا باشا انا لما اكبر هدخل الشرطه و ابقي باشا زيك) و ابتسامه جميله من الضابط فعلا مش هقول للضابط ده غير تسلم اليد الي ربتك ... 
من الفيسبوك . صفحة : 

تعليقات

إرسال تعليق