هلوسة سياسية
صلاح الدين محسن
2014 / 4 / 28
من قبل أن يبدأ .. راح اتلم علي بتوع الكرة - كرة القدم .. لا كرة اليد , ولا كرة السلة .. بل القدم .. )
من قبل أن يبدأ !.. يا وقعة سودة !.. هل هذا شيء يبعث علي التفاؤل !؟ ..
راح الجدع , يصالح المتخاصمين في الكورة - كرة القدم - !
لو مافيش مشاكل كبيرة وخطيرة وكتيرة في البلد .. كنا قلنا : ماشي .. زي بعضه ...
لكن دي بلد بتتخرب يومياً . بطولها وعرضها . فتل وتفجير وخطف وحرق .. يومياً .
ايه ده ؟
اتنين من بتوع الكورة . اتخاصموا ؟ .. بسيطة خالص . بكرة يتصالحوا بالسلامة .. موش قضية أمن فومي هي .. ولا هي فضية أمن غذائي , ولا أمن مائي , ولا أمن كهربائي .. ولا أي نوع من أنواع الأمن ولا الأمان المفقود بكل أنواعه .
دي قضية كلشين كان .. اتنين من بتوع الكورة متخاصمين .. بس . يعني اصطلحوا واللا ما اصطلحوا . تفرق ايه عند شعب جائع . وبلده بتتخرب بالارهاب وأولاده بيموتوا , ومنشآته بتتفجر . وكل يوم خراب البلد بيزيد أكتر ..!!؟
لكن كل حاجة زغيورة خالص . بتلاقي لها عقل , يهتم بها ويشوفها كبيرة قوي ..!
كما قال الشاعر أبو تمام " وتكبر في عين الصغير الصغائر " .
حيث ان الشغل بدأ بالكورة.. فاللي جاي حيكون لعب وتهريج ..
وسيتم تعيين رئيس وزارة مدني . يشيل نتيجة التهريج واللعب علي دماغه , هو اللي يتشتم ! وهو اللي يتهمه الجميع بالعجز ( والجدع اللي بيعمل مصالحات لبتوع الكورة . في الأمان ! ) .. كما حدث طوال 30 سنة أيام المخلوع رقم 1 .. بل كما كان يحدث طوال 62 سنة تقريباً . منذ 1952 .. يعينوا رئيس وزراء مدني . يشيلوه كما الحمار . نتيجة ومسؤولية تهريج ولعب وفساد المهرجين ..
وطوبي للأغبياء الذين يسارعون بتأليف وتلحين أغاني ..
وطوبي للبلهاء الذين يسارعون بغناء تلك الأغاني ..
وطوبة .. بل طوب كتير , في رؤوس شعب بأكمله .
--
سبق النشر في موقع الحوار المتمدن 2014 / 4 / 28
تعليقات الموقع :
تعليق : 1
العدد: 545044 - حكم العساكر الغبى
2014 / 4 / 28 - 16:40
التحكم: الحوار المتمدن
كامل حرب
حكم العسكر فى مصر مثل السرطان الخبيث لايطلع الا بطلوع الروح ,ولاد الكلب الحراميه الاوغاد استعمروا البلد منذ اكثر من ستين عام ,نهب سرقه عربده وقله ادب وعقول غبيه مثل الجزمه واستهبال واستعباط وتناحه واكاذيب على طول الخط ,هذا بلاء شديد وكوارث واستمرارهم يعنى الخراب التام لمصر والمصريين البؤساء
تعليق 2
العدد: 545155 - الشغل بدأ
2014 / 4 / 29 - 02:09
التحكم: الحوار المتمدن
هانى شاكر
الشغل بدأ
_حيث ان الشغل بدأ بالكورة .. إذاً تسلم ألأيادى ، و ألرجلين ، .... و ألكورة
و ( رقصنى ) يا بطل ... أقصد يا جدع !
دى مصيبة سوده ياجدعان !
********
تعليقات
إرسال تعليق