منقول - صفحة علم المصريات , بالفيسبوك - مشاركة Bassim Soliman
انا دارس للاثار المصرية و انا من قرية صغيرة اسمها عرابة ابيدوس في سوهاج عمركم ما سمعتوا عنها ولا هتسمعوا فحبيت اعرفكم ببلدي
ابيدوس اسمها المصري القديم ايب جو
و معناه الارض المقدسه
ابيدوس كانت ارض الحج عند المصريين القدماء
ابيدوس دي مكان ولادة ونشأة ودفن المؤسس والموحد للقطرين الملك مينا او نعرمر
يوجد فيها مقابر ام الجعاب او القعاب
حيث مقابر الاسرتين الأولي والثانيه
فيها مبني شونة الزبيب من اقدم مباني العالم
بناه الملك خع سخم وي اخر ملوك الاسرة الثانية و والد الملك زوسر
فيها اقدم مراكب للشمس ١٤ مركب مدفونه حول شونة الزبيب من عصر الأسرة الاولي والثانيه
فيها اثار من فترة ما قبل التاريخ و اثار من الفترة القبطية
فيها معبد الملك سيتي الأول والنحت البارز اجمل معابد مصر و اكمل المعبد ابنه الملك رمسيس الثاني بالنحت الغائر
المعبد الوحيد اللي اغلب اجزاء السقف موجوده حتي الان
المعبد كان علي محور واحد وحصلت تعديلات واضافات واصبح يشبه حرف L
المعبد الوحيد اللي فيه 7 مقاصير للالهه
يوجد بالمعبد قائمة للملوك المصريين القدماء
الوان المعبد زي ما هي بحالتها الاصليه
يوجد كمان مقبرة الاوزريون الرمزيه المبنيه من الجيرانيت الوردي مقبره فريده جدا في الحضارة المصرية القديمة وزهرة الحياة والمياه الموجودة فيها و النصوص والكتب الدينية المختلفه المسجله علي جدرانها
يوجد كمان معبد رمسيس التاني واللي الوانه زي ما هي و مسجله عليه معركة قادش
ويوجد به مقصورة كاملة من المرمر
وكمان معبد القرد المخصص لعبادة الاله جحوتي رب العلم والحكمة ورمزه قرد البابون
يوجد كمان منطقه كوم السلطان اقدم مدينة في الحضارة المصرية القديمة
اقدم بناء بالطوب اللبني واقدم معبد مخصص لعباده الاله المحلي خنتي امنتي امير الغربيين
كوم السلطان اكتشفوا فيها التمثال الوحيد للملك خوفو ارتفاعه 7.5 سم من العاج
باختصار ابيدوس واثارها اعظم واكبر بكتير من الأقصر بس للاسف محدش مهتم ولا حد يعرف هي فين ومش علي الخريطة السياحية في مصر
وشكرا
اتمني تكونوا عرفتوا ابيدوس الارض المقدسه
زوروا ابيدوس
#ابيدوس_حيث_يبدأ_التاريخ - Bassim Soliman
ليست هناك تعليقات:
إرسال تعليق