تعلق علي موضوع بموقع " فاروق الأول ملك مصر والسودان " بالفيسبوك . يوم 11-6-2020 : Salah El Din Mohssein
بدون زعل . أنا لا منحاز لعصر ملكي ولا لعصر ضباطي . وفي تصوري لو بقي النظام الملكي . فالأرجح ان مصر كانت حتتقدم .. ( ربما , بس موش أكيد ) أو علي الأقل ما كانت حتنحدر الي الدرك الأسفل كدا .. لكن نتكلم بالعقل .. أي مواطن مصري اللي كانت الأمم بتخدمه ؟! مصر دولة زراعية وأغلبية شعبها كانوا مزارعين وعمال زراعيين باليومية . حياتهم مع البلهارسيا هارية جتتهم والمِشّ بدوده , والأمية , وحفاة الأقدام . ولا خدمات - لا مياه صحية ولا كهرباء ولا صرف صحي . ولا علاقة لهم بما ذكرتموه : البواب السوداني , الجرسون الإيطالي , المصوراتي اليوناني , الحلاق اللبناني , الحلواني السوري , الترزي الأرمني . الجزارالتركي ... لم يكن يعرف هؤلاء سوي طبقة العائلة المالكة وحاشيتها وكبار الملاك , والطبقة الوسطي التي كانت قليلة جداً .. يعني من الصعب نختار أي العصرين أفضل .. ومن الصعب نختار أي العصرين أسوأ ..ولكن الأكيد هو ان مصر والمصريين - حتي الآن - لا حظ لهم مع الحكام .. شكراً علي سعة صدوركم .
Sabah Hasaneen Salah El Din Mohssein بس كان الفلاح عنده خزين السنه من صوامع الحبوب وجبنة السنه وطيور وبهايم وبيصحي من الفجر على رزقه وبردو كان بيطلع منهم المدرس والمهندس والدكتور والمحامي.... للأسف دلوقت معاك تساوي موش معاك متساوي وبكل وقاحه محدش بيرحمك من طبقتك في قضاء اي خدمه اداريه اللي المفروض يكونوا حاسين بك ومشاكلك لأنهم عايشينها
Salah El Din Mohssein Sabah Hasaneen
نعم صغار الملاك من الفلاحين كانوا مستورين - بس يصحو م الفجر ويرجعوا مع غياب الشمس ! لكن غالبية المصريين كانوا عمال زراعيين فقراء . يصحو مع طلعة الشمس , ويرجعوا المغرب ! .. وياخدو ما يسد الرمق . وكان فيه عمال التراحيل . كان حالهم أسوأ وأسوا . هؤلاء وأولئك مع عمال المصانع + والحرفيين التعساء هؤلاء كانوا يمثلون الغالبية الساحقة لشعب مصر . أنا عشت في صغري بين هؤلاء الناس وشربت.. من ماء الترعة ومن القناية , وأصيبت بالبلهارسيا 3
. مرات . وأعرف كيف كانت الحياة بعد زوال الحكم الملكي وحلول العسكرة .. لكلام والجدل في المقارنات بين العهدين لن تفيد ولن ينتهي زي الجدل الديني كداوالجدل حوالين أهلي وزمالك ! .. ! مناقشات بيزنطية محتاجة ألفين سنة عشان تخلص !. والأفضل للمصريين أن ينظروا للأمام ويشوفوا اليابان نهضت ازاي ؟ كوريا الجنوبية تهضت ازاي ؟ وتايوان نهضت ازاي ؟ وسنجابور نهضت ازاي . ؟ هذا أفضل من المفاضلات بين نظامين : ملكي و -عسكري , اسمه جمهوري ! - والبكاء علي اللبن المسكوب لن يفيد .
ليست هناك تعليقات:
إرسال تعليق