لا أُحِب هذا الشِعر

أعداد وتقديم : صلاح الدين محسن
14-7-2019
لا يمكنني أن أحب وطناً بعيوبه وبمساوئه .. لا كندا ولا مصر ..
أحب الوطن بمزاياه بأفضاله , بما فيه من جماليات , أما القبائح - التي لا تخلو .. بطبيعة الحياة .. من وطن ولا من انسان . وبنسب تختلف من واحد لآخر - فكيف لي أن أحبها !!؟؟  كيف لي أن أحب وطني بما فيه من سؤ .. ؟؟ ان فعلت فهذا دليل علي أنني لا أحب لوطني أن يتطور , يرتقي , يتنظف , يتطهر باستمرار مما يعلق به .. 
أحب وطني , أن يطارد العيوب ويزيلها أولاً بأول .. يتعقب المساويء , ويبددها . يفتش عن الظلم والفساد .. ويقضي عليه . كلما وأينما ظهر ..
وكذلك أنا أحب " صلاح جاهين "  الشاعر الرائع .. ولكنني لا أحب قصيدته تلك . ولا أمثالها من قصائد شعراء غيره أو مقالات كُتّاب .. تردد نفس الكلمات أو المعاني الواردة بالقصيدة التالية , والتي أسمع منها نشازاً ... وان كان الذي نشرها بالفيسبوك هو أخ عزيز , وكاتب أحب كتاباته وأهتم بقراءتها . لكن هذه القصيدة الجاهينية , لا تعجبني البتة , بعكس أغلب قصائد صلاح جاهين :

من الفيسبوك .. صفحة الأستاذ  Sherif Mansour

يوم 14-7-2019

صلاح چاهين كان مجنون بمصر زي حلاتي بس انا مشيت وأخذتها معايا!
اللي عندكم نسخة مزورة ....

صلاح جاهين...
ميت ألف فرصه عشان أسيب مصر
ولا عمري سبتها

علشان هى بلادي اللي بجد بحبها
بحبها بكدبها وصدقها

بحب فيها أصالة وندالة أهلها
بحب فيها السهر
بحب
زيفها وأصلها

بحب فيها طلعه الشمس
تنور وشها

بحب فيها القمر طالع
يغازل حسنها

بحب فيها المشي علي شط
نيلها وبحرها

بحب فيها بناتها
راسمين ملامح شعبها

دي بنت مايصه وحاطه
ورده فـ شعرها

ودي بنت جد ونازله
جري لشغلها

هتلاقي فين بلد
فيها الكنايس والجوامع
بتحضن بعضها

مسلم مسيحي إخوات
راضعين طيبة من صدرها
نبع الحنان ويناموا حاضنين
أرضها

هتلاقي فين تاني بلد
كل حاجه فيها
تخليك تحبها

هتقولي ظالمه هقولك
برضو بحبها
هتقولي ضالمه
مهو ده سواد شعرها

هتقولي زحمه هقولك
علشان بنعشق أرضها

هتقو لي فيها فساد
هقولك ده من طيبه شعبها

جرب كده تسهر ولو وحدك
علي ضف نيلها وحبها
جرب تشوف بنت حلوه
مع شاب واقف جمبها

بيحبها شايل في قلبه
هموم الدنيا كلها
وبرضو بيحبها

جرب كده تاكل دره وترمس
علي شطها

وتشوف وشوش الناس
وإضحك زيها

طب وإنت ماشي لوحدك
ووقعت في مشكله
مش بتلاقي ألف واحد
جمبك بيحلها

لا تعرفهم ولا يعرفوك
بس جمعكم حبها

اهي هي دي مصر
زحمه ظالمه
فاسده ضالمه مش مهم
ده كفايه خفت دمها
هأفضل لمصر أقول وأعيد
أنا أصلي عاشق ارضها
و عجبي
صلاح چاهين

--