مختارات فيسبوكية

‏‎Markos Ayad‎‏

‏٤ أكتوبر‏ 2019  

Mina Salib

‏٢ أكتوبر‏، الساعة ‏٦:٢٥ ص‏

الحرب العالمية التانية اللي قادها هتلر اتسببت في موت ٤٠ مليون اوروبي بين رجال و نساء و اطفال و موت ٤ مليون جندي الماني و مليون و نص مدني الماني و ما يقرب من ٢٧ مليون جندي سوفيتي، دة غير المذابح الجماعية بحق اليهود، أوروبا اتحولت لمقبرة ضخمة في روسيا وحدها اتمحى ٧٠ الف مدينة و قرية على ايد الالمان في فرنسا تهدم مئات الالاف من المباني في هولندا دمر هتلر السدود فغرقت قرى و احياء تحت المية بسكانها، مدينة بودابست عاصمة المجر مكنش فيها مبنى واحد سليم كلها ركام و رماد، برلين عاصمة المانيا اتحولت لمدينة اشباح مبانيها متدمرة و الجثث في كل شارع بالعشرات، اوروبا الخصبة اصبحت قارة جرداء، مئات الالاف من الاطفال المشردين بلا اسر لانهم اهليهم مفقودين او ماتوا و في بولندا وحدها مليون طفل بلا اسرة، بعد الحرب مكنش في مية الناس تشرب الستات اشتغلوا في الدعارة للجنود السوفيت مقابل وجبة دة غير تعرض المئات للاغتصاب الجماعي من نساء المانيا بعد انهيار برلين، بعد الحرب وقعت المانيا تحت السيطرة السوفيتية و ما تبقى فيها من مصانع لم تدمر في القصف دمرها السوفيت و دمروا السكك الحديدية بالكامل، بعد هزيمة هتلر اتقسمت المانيا بين الحلفاء بسبب حماقة هتلر دفعت و بتدفع و هتدفع المانيا معادلها الأن المليارات من الدولارات تعويضات عن جرائم هتلر و تخريبة لقارة كاملة و اجزاء من الكوكب منذ نهاية الحرب العالمية الثانية سنة ١٩٤٥ و الى الان و اخرهم بولندا يوم ٣١ اغسطس ٢٠١٩ قامت بمطالبة المانيا بباقي تعويضات الاجتياح الالماني لبلادهم و الالمان (هيدفعوا).

دة جزء (بسيط) من جرائم هتلر الدكتاتور الذي لم يكن يسمع الا لنفسه اما عن المانيا بعد الدكتاتور يمكن تلخيص وصفها في عبارة (المانيا هي العمود الفقري الذي يعتمد عليه الاقتصاد الأوروبي بالكامل) و دة بس دورها الاقتصادي و بالمناسبة هتلر كان يظن انه بيقدم المانيا ١٠٠٠ سنة لقدام و الاعلام النازي كان بيتكلم ليل نهار عن انجازات هتلر اللي كان بيبنيها و هو فعلا كان بيبني لكن لانه مسمعش غير صوت نفسه و الكام نازي اللي حوليه و سجن شعب المانيا اما في السجون او سجن وعيهم بالاكاذيب المستمرة حول المانيا لخرابة لدرجة ان الالمان بعد الحرب كان بيقطعوا كاوتش المدرعات المحروقة يعملوا منها نعل يلبسوه في رجلهم عشان الشعب بسبب هتلر بقى كله حافي.

صبح يا عبدالعال و ابقى اقرا قبل متتكلم ولا صحيح انت لو كنت بتقرا مكنوش جابوك

========