من الفيسبوك - العدل أساس المُلك
في محكمه جنوب القاهره..ذهب لاحضر جلسه تضامن من صديق محبوس بتهمه تنظيم سرى لوحده (بتكلم جد) المهم قبل جلسته كانت محاكمه سيده بتهمه الزنا...حكايه هذه السيده انها هربت من زوجها منذ 3سنوات ورجعت لزوجها معاها طفل لم يكتمل عمره سنتان وهي في القفص وعاملة مجنونة ..
المحامى قام يتكلم .. القاضى رفض .. وأخرج السيدة من المحبس وسألها عندك كام سنه وبلاش تعملى مجنونه (القاضي كان عصبى جدا) قالت 18 ونده ( نادي علي ) للزوج . وسأله , عندك كام سنه ؟
الزوج : 67 عاما
القاضي : وبتشتغل ايه ؟
قال الزوج : عربجى... ( القاعه ضحكت..اتنرفز القاضى..)
المهم القاضى قاله : انت خايف على ايه على وضعك الاجتماعى لا يتهز.. ؟
دا كله عك فى عك..وعلشان الطفل فقط , براءه للأم وعايز تطلقها طلقها...
العربجي : يابيه الواد مش ابنى..
القاضى قاله : ماتخفش على الورث..
( ودخل على قضيه صديقي..)
القاضى : يقلب في الاوراق شمال ويمين ويقول ايه دا متهم بتنظيم سرى لقلب نظام الحكم لواحده دا عك من الامن فين التنظيم دا مافيش غير ورقه متقدمه سأل المتهم : دا الكلام بتاعك..
قال : ايوه..
القاضي : انا مش فاهم الكلام دا
رد صديقي : دى مقالة في بنيه اللغه..ودا منهج البنيويه..
بعد حوار قصير مع القاضى . في البنيويه
رد القاضى : انا مش فاهم حاجه يبقي الامن بيفهم .. ؟! براءة ....
ذكريات من نهايه التسعينات
----
تعليقات
إرسال تعليق