من روائع شعر بيرم التونسي - وألحان الموسيقار زكريا أحمد
إعداد : صلاح الدين محسن
19-11-2021
الكلمات ثم الغناء :
حاتجن ياريت ياخوانا
مارحتش لندن ولا باريز
دى بلاد تمدين
ونضافه وزوق ولطافه
وحاجه تغيظ
مالاقيتش جدع متعافى
وحافى
وماشى يقشر خص
ولا شحط مشمرخ افندى
معاه عود خلفه
ونازل مص
ولا لب أسمر
وسودانى وحمص
وانزل ياتقزقيز
حاتجن ياريت يا أخواننا
مارحتش لندن ولا باريز
ولا عركه فى نص الليل
دايره بالحيل
وساحبها بوليس
قدامها جدع متجرجر
وشه معور
قال ايه دا عريس
والخلق ماهى بتتجوز
واشمعنى أحنا مفيش تمييز
حاتجن ياريت يا أخواننا
مارحتش لندن ولا باريز
ولا واحده فى وش الفجر
تبرطع ماليه الدنيا صوات
قال ايه
جوز خالتى ام احمد
سلفة أخوها السيد مات
سبحانك ماأعظم شأنك
والله الموت
دا مفيد ولذيذ
حاتجن ياريت يا أخواننا
مارحتش لندن ولا باريز
ولا واحد طالع يجرى
وواحد تانى بيجرى وراه
ويقول هاهع حصلتك
يابن اللى ابصر أيه عاملاه
لا الشارع غيط يا جماعة
ولا احنا بداره
ولا احنا معيز
حاتجن ياريت يا أخواننا
مارحتش لندن ولا باريز
ولا واحد بيبيع حاجه
يقول بريال وتاخدها بصاغ
ياأخواننا دى حتى الابره
تاخدها بدوشه وقلب دماغ
والداهيه ان احنا قلاشوه
ونكته
وفالحين فى التأووويز
حلفان وعراك ومناهدة
ويمكن ضرب كفوف
ياحفيظ
حاتجن ياريت يا أخواننا
مارحتش لندن ولا باريز
حاتجن ياريت ياخوانا
مارحتش لندن ولا باريز
دى بلاد تمدين
ونضافه وزوق ولطافه وحاجه تغيظ
---
الغناء ( كثيرون غنوا تلك الأغنية , منهم , الشيخ زكريا أحمد , ايمان البحر درويش , والشيخ سيد مكاوي , وحمزة نمرة , والمجموعة , اخترنا منها - 2 فيديو - المجموعة :
فيديو 1 :
فيديو 2 :
__________________
تعليقات
إرسال تعليق