فرعونيات - بعثة حتشبسوت الي بلاد بونت ليست الأولي سبقتها أخري قبلها بألف سنة
في عصر الملك ساحو رع .. الفرعون الثاني من الأسرة الخامسة . وله هرم في " أبو صير - بالجيزة - شيد عام 2480 ق . م
ايوه زى ما انتم شايفين .. دى دببة .. دببة بنى من سوريا اتصورت على جدران معبد الوادى بتاع الملك لمصرى"ساحو-رع" فى ابو صير ..
المشكلة ان معظم اثار ابو صير تحولت لأطلال بعد عمليات نهب متوحش من مستكشفين وعلماء اثار اجانب , لما تروح هناك هتلاقى أطلاال , ولكنها كعادة كل حجر فى مصر بتحكى قصص وحكايات ملهاش آخر ..
المجموعت الهرمية لملوك الدولة القديمة وعصر بنة الأهرام يتكتب عنها مجلدات ويتقال منها الف الحكايات .. منها حكاية الدببة البنى اللى جاية من سوريا كهدايا منهم ودليل على علاقات تجارية خارجية كتيرة لمصر مع العالم القديم .. تخيل للحظة الوفد السورى جاى بالدببة او حتى المصريين راجعين بيها لمصر فى موكب متوجه للقصر الملكى فيه من الخيرات ما لا عين رأت .. تخيلت .. دى ببساطة كانت مصر من 4-5 الاف سنة فاتت ..
فاضل بس نقول كمان ان بلاد بونت المشهورة اللى حتشبسوت تفاخرت انها بعتت بعثة لهناك وسجلت الرحلة على جدران معبد الدير البحرى فى غرب طيبة كإنجز محصلش , المفاجأة ن دى ما كانتش اول رحلة للمصريين لبلاد بونت .. الرحلة الأولى كانت فى عصر الملك ساحو رع نفسه قبل حتشبسوت بييجى الف سنة ..
يعنى انجاز حتشبسوت اللى ملوش مثيل كان تكرار لبعثة تجارية عملها المصريين من الف سنة قبلها !!
والرحلة دى كالعادة اتصورت فى مجموعة الملك الهرمية ولكن الجدرايت المتبقية مش بتقولنا معلومات كتير ..
عمرنا الارض وغزينا الصحارى , قهرنا الاسود وجبنا الدببة لمصر .. فى حاجة تانية المصريين القدمء ما عملوهاش ؟
(محمد محىّ)
وأى حد حابب يشير البوست ممكن من هنا : https://www.facebook.com/photo.php?fbid=152866292927032&set=a.122361939310801&type=3&theater
تعليقات
إرسال تعليق