من كنوز سيد درويش
المطربة " نعيمة المصرية " - يا أمي ليه تبكي عليّ
الست نعيمه المصريه هي " زينب محمد إدريس " ولدت عام 1894 م
-------
يا امّي ليه تبكي علي وأنا مسافر الجهادية
الام: الفرقة صعبة يامراري والغربة حاتشعلل ناري
كتبوك بيادة ولا سواري...
ولا نفر فى الطوبجية
الجندي: قولي لي كلمة تشجعني وخلي اهلي تودعني
وادعي لي ربي يرجعني ومش ضروري البدليه
يا امّي ليه تبكي علي وأنا مسافر الجهادية
ليه بس حاتطوعي شفقتك وتشتريني وتبيعي صيغتك
اذا انتصرت اتقيمي رايتك وتكوني اول وطنيه
صوت المدافع فى الميدان زي الكمانجه والعيدان
والحرب مخلوق للشجعان والصيغة تلبسها وليه
يا امّي ليه تبكي علي وأنا مسافر الجهادية
نوم السراير للعاشق اما احنا نومنا فى خنادق
نعمل مخدتنا بنادق فرش وغطا وبطانيه
ساعة الخطر ننسى روحنا نطوي العدو تحت جناحنا
نفدي وطننا بأرواحنا ودا اساس الوطنية
محمد عفيفي - سيد درويش - الجهادية - راست
https://soundcloud.com/sama3molok/lwyhwts6pim3
تعليقات
إرسال تعليق