ازرع الخير
ازرع شجرة مثمرة أمام منزلك
30 سبتمبر 2015
اللى ف الصورة دى نوع من انواع البلح اسمو البارحى
دا طول النخله عند سنه اولى انتاج يعنى مش هتاخذ منك مكان كبير
ممكن تاكل البلح قبل ما يستوى ويبىء طعمه مسكر
وبيهضم اى اكل قبله وبعدة ومريح جدا للمعدة وغنى بالفيتمينات
ممكن تزرع النخله فوق سطح بيتك عادى وموممكن كمان تزرعها فى البلكونة بتاعتك لو كبيرة والشمس طيلاها
ولو كبرت بعد 7 سنين ممكن تنقلها عادى فى مكان تانى مستديم لو يعنى زهقت منها والطول بتاعها مش هيرتفع زيادة عن متر و30 سم خلال السبع سنين
وبتتزرع فى شهر 3 ممكن تجيب برميل بلاستيك من ابو 50 جنية وتزرع ويبقى عندك نخلة رمز الخير
هتلاقى الفسايل بتتباع فى مركز البحوث الزراعية مش هتاخد مكان فى نقلها لانها هتكون طولها 40 سم ممكن تشلها فى شنطة وتاخدها وتزرعها
كيلوا بلح البارحى بيتباع بـ20 جنية فى اول الموسم النخلة بتعطيك اكتر من 50 كيلو لو اتزرع كويس
مابالك بقا لو زرعته فى البلكونة ولا فوق السطوح ولا فى الجوامع والكنايس والشركات ومداخل العمارات
لو عايز تحصل على النخل دا ممكن تلاقيه فى مركز البحوث الزراعية او فى القومى للبحوث فى الدقى فى الجيزة او معامل انسجة النخيل لانه بيتكاثر بالانسجة
منقول ...
تعليقات
إرسال تعليق