تعارف مهني

تمهيد من أدارة المدونة : سيأتي زمن سوف تتشعبل فيه الأحوال بأكثر مما هي متشعبلة .. وتتنخنخ فيها الأمور بأكثر مما تنخنخت .. لنقرأ السيناريو الذي يتنبأ به أحد نشطاء الفيسبوك . بما ستؤول اليه الأحوال عام 2028 . بعد 9 سنوات فقط  - 
صورة : شعبولة   و  نخنوخ ... :

------------------------------

من الانترنت 24-8-2019  .. 

Ahmed Sednawy 

#منقول

24-8-2028

مساء الخير، 

نتعرف عليك ..

- أنا اسمى أحمد التباع ، ساقط إعداديه ، و سجلولى مكالمه جنسيه ، متكسفتش .. كملت فى حياتى عادى وبقيت نجم مجتمع وكل الميديا بتعمل معايا لقاءات وعملت اعلانات كمان  وكسبت فلوس كتير .. كتير أوى ، المكالمات الفاضحه طلعت بتكسب الصراحه.

- و حضرتك ؟

- أنا محمد رمضان الشهير بحبيشه أو الالمانى أو الأسطوره أونمبر وان  .. أنا حلم كل شاب وكل فتاه .. سوبر ستار ، بطلع بلطجى وبقتل ومدمن والمشاهدين كلهم بيتعاطفوا معايا وبيقلدوا شكلى .. مبحبش أتكلم عن نفسى كتير بس انا بكسب ملايين ولسه شارى عربيتين - سيارتين - جداد لامبرجينى ورولز رويس وفيلا ب ٣ جناين  آعد - عايش - فيهم لوحدى.وكمان طياره

-  وحضرتك؟ 

- أنا ولا أنا ؟ تن ترارن تنتن ... هههه.

أنا الخليل كوميدى .. أصل الضحك فى مصر .. لزج .. لزج أوى . لا لزج جدا .. بحب اتشتم أوى بطلع اقول نكت بيض ، والناس خلتنى مشهور وبتدينى أعلى نسبه مشاهده ، وكل القنوات بستضيفنى وكسبت فلوس كتير ولسه مغير العربيه .. عربيه ولا انجليزيه .. تن تراراران تن تن ..

--- بس كفايه اسكت .. وحضرتك ؟

- أنا حمو بيكا ،، اشتغلت مبيض محاره وصبي جزار و تباع علي ميكروباص وما كنتش لاقي آكل ،، اشتغلت مطرب افراح وباغني كلام مالوش معني ،، وصوتي زي الزفت ،، وشاكلي زي ما أنت شايف ،، لكن بقيت نجم وباخد في الحفله 80 الف جنيه أكثر من منافسي مجدي شطه الألدغ في خمس حروف واللي اشتري فيلا في الساحل من الكلام اللي الهجص اللي بنغنيه ،، 

- شكرا نكتفى بهذا القدر ، حضرتك ليه مخبى نفسك وقاعد بعيد كده ؟ مش هتقدم نفسك ؟ 

- أنا الدكتور محمد سليم ، التالت على الثانويه العامه سنه ٨٦ دكتوراه فى الهندسه النوويه وناشر ١٦ بحث فى كيفيه استخدام الطاقه النوويه فى توليد الجزيئات الكهرومغناطيسيه وتحويلها الى طاقه كهربيه ، ألفت ٣ كتب ملقتش دار نشر ترضى تنشرهم , ومسجل ٦براءات اختراع مفيش حد وافق انه حتى يسمع تفاصيل الاختراع علشان يموله . عندى سيارة  ١٢٨ حمرا ( سيارة رخيصة ) ومقدم على قرض علشان أجيب ٤ فرد كاوتش - اطارات للسيارة - ، وللاسف القرض اترفض علشان الدكتور عبد الستار مديرى فى المركز مرضيش يختملى مفردات المرتب بختم النسر.

نعيب زماننا والعيب فينا وما لزماننا عيبٌ سوانا.