تجارب شعرية - من بريد القراء
ايه حكايتك !؟
شعر : أبو أدهم
شلت حسني وجبت سيسي
قلت هو دا رئيسي
وقبل منه جبت مرسي
ايه حكايتك بس قول
ياشعب ناقص فيه عقول
ماشى بعواطفه وخلاص
أمموك بعد الملك
وفهموك ان الخلاص
في ايدين شاويش ماسك سلاح
باعوا فيك واشتروك
وقالوا حي على الفلاح
علموك ياشعب تسكت
وتمشي راضي لو بنكسه
وكمان تقول على الهزيمه
بالصبر تصبح عزيمه
ويكون بدايه الانتصار
وكل نكسه وراها نكسه
وتبقي راضي بالانكسار
ولما حسوا أن النهايه
قربت وان الحكايه
سرها فاح وبان
جابوا اللي يحكم بالشريعة
قالوا دستورنا الإيمان
كفروك وقالوا عنك
شعب فرعون من زمان
ربي دقنك وتبقي هيا
ليك بطاقه الأمان
قالوا دولة إسلامية
هددوك بالعلمانيه
وقاموا رافعين الأذان
كبروا للظلم فيها
وبين كوسين كتبوا :اخوان
رجعوك ياشعب تهتف
للشاويش بتاع زمان
وتناديه وتنزلِّه ترقص
وللبيادة تضرب سلام
وتبقي راضي بأي حاجة
وتقول تمام من غير كلام
===
تعليقات
إرسال تعليق