نحو احياء فن المونولوج - البنك الاهلي - مونولوج فكاهي لاسماعيل يس

إعداد : صلاح الدين محسن
12-3-2020

فن المنولوج يكاد يكون اختفي .. 
لم أستمع لمونولوجيست جديد . منذ سنوات .. عدا الطفلة الموهوبة " نور عثمان " التي يبدو انها مخلوقة لكي تكون مونولوجست ..

هذا مونولوج قكاهي قديم من القاء اسماعيل يس . بعنوان " البنك الأهلي " شدتني جداً عبقرية المؤلف " أبو السعود الإبياري " . لنقرأ الكلمات . ثم نستمع الي روعة القاء اسماعيل يس :

كلمات منولوج البنك الأهلي.  إلقاء. اسماعيل يس :

كل ما أفوت ع البنك اتعكر 
وأفضل أفكر 

ليه ما طلعتش ابن ذوات
ليه وما لهشي
دي حاجة تحسر
داهية تقصر 
عمر اللي ما حيلتوش جنيهات
اللي ما فيه يوم حلمه استفسر 

واللي بيصبح فيه بيبات

دائماً حظه مادد له الخنصر 

ديله تملي سبع لفات

يمشي يمد

الأزمة تشد 

يبني يهد النحس بناه

من غلبه يقول يسقط أهلي 

اللي ما فيهم حد معاه

ولا مليم في البنك الأهلي 

—  اللي ماتركوش حاجة جدوده 

يا لطم خدوده

وَيَا ريت أهله ما كانوا جابوه

لجل يدوق الخل بدوده 

وَيَا ريت أمه  ما عرفت أبوه

شمّتوا فيه بالفقر حسوده

خلفوا جحش ولَم ربوه 

اختارهم ربنا لخلوده

والمتعوس الناس ركبوه

يومي يعد لسابع جد

يركبه قرد 

لا حول الله

من غلبه يقول يسقط أهلي

 اللي ما فيهم حد معاه

ولا مليم في البنك الاهلي

أهلي ما خلفوليش غير جهلي 

طلعت هيلاهلي

تِركِتهُم كان جِديّ ومات ( جِدي = ذكر الماعِز )

أشوف الوارثين كدا ع الباهلي 

أقول تستاهلي  يا عيني عليا

وهات يا عياط

مهما أجري وأقمص علي مهلي

تاتا. تاتا جمب التاكسات

آه دا اللي مالوش في البنك الأهلي 

اسمه دا مولود في الحسومات

من غلبي بقول يسقط أهلي 

اللي ما فيهم حد معاه

ولا مليم في البنك الأهلي

-----

ثم نستمع لعبقرية إلقاء اسماعيل يس :

===