لماذا لحضارة مصر القديمة استثناء وتفرد ؟
مع : اِري دحروج
بلا شك يتساءل أي انسان، قريب او بعيد، لماذا حضارة مصر او كمت القديمة كانت مثال استثنائي ومتفرد وسط حضارات العالم في كل تفاصيل معنى كلمة حضارة، وكمان طول فترة امتداد حضارتها. ولصعوبة الإجابة كل واحد فينا ببيشوف ايه أولوياته اللي ممكن تكون مش موجودة في بلده ولما يلاقيها في مصر القديمة فيقوم يحس فعلا انه ده السبب.
ساعات الإجابة بتكون قريبة جدا.
فاكر لما اتكلمنا في الحلقة الثامنة ان فيه ربة بتجسد وتُمثل القانوني الكوني والهارموني اللي بيخلي الكون يمشي في إيقاع موسيقى ازلي متناغم ومتراص، اسمها الماعت، وان الربة ماعت بنت رع ما بتقدرش تتجسد على الأرض، وبيوقف عملها في السماء وسط النجوم والاجرام والشمس والقمر. وان المصري كان حزين على الاله رع انه لما بيتولد كل يوم الصبح على ارض مصر يفتقد بنته ماعت لأنها لا تقدر على التجسد الارضي. أتمنى أنك تكون فاكر (لو لأ استسمحك تبص بصه على الحلقة الثامنة، هتعجبك اشتري مني).
هنا يأتي تفرد مصر وهو انه أدرك بعد الاف السنين من تاريخ تجربته الإنسانية، انه لازم يُحاكي هذا النظام الازلي، ماعت، وانه هو كانسان اللي هيقدم هذا النظام، هو اللي يصنعه بيده، هو اللي هيكون مصدر القانون والعدل الأرضي. أدرك انه لازم يكافح الفوضى بايده و محدش هيساعده فده، فهم انه هو اللي هيقدم ماعت للأرباب والالهة المصرية علشان يبقى شبههم عايش في الماعت، العدل والتوازن والهارموني.
العدل والحق والعمل ومكافحة الفوضى هما "ماعت" الأرضية...
فالنهاردة جبتلك من قدس معبد مصر، وواجه كل المصريين وحتى القرن الرابع م. ابيدوس. الجدارية العبقرية لسيتي الأول وهو بيقدم ويُهدي الماعت للأرباب اوزير وايزيس وحورس وماعت.
قائلا:" حنك ماعت ن نب ماعت" بمعنى" اهداء/تقديم النظام الكوني للربة ماعت".
ومن هنا استمد الملك من ناحية والملكية من ناحية أخرى، أهميتهم الأساسية والرئيسية في تقدم الحضارة المصرية الاستثنائية، والحفاظ على كيان مصر لفترة أطول من عمر حضارة الانسان ذات نفسه.
والتاريخ بيقولنا ان اليوم اللي فيه الملكية المصرية القديمة او الملك لم يستطيعوا تقديم الماعت بنفسهم لأرض مصر وأنها تكون تجسد وتجلي الربة ماعت على الأرض، كانت فترات اضمحلال وتفكك.
وعلشان كده كان الملك ذي حورس اللي أهدي ماعت لأبوه اوزريس. اه، يا صديقي، فعلا الملك كان حورس الأرضي وكمان بيتسمى ابن رع.
في نفس الجدارية سيتي الأول بيتقدم بأسمائه "حورس، الثور القوي الذي يظهر في طيبة، رب الارضين (مين ماعت رع)، ابن رع (سيتي مرنبتاح)".
سلاما على المبدعين الأوائل، اجدادنا العظماء. وتحياتي لك يا صديقي.
الصورة المرفقة من الصالة الثانية لبهو الاعمدة بمعبد البيدوس – سيتي الأول-الجدار الشمالي. هتلاقيني حطيتلك علامة على النصوص المذكوره بالحلقة، ارجو أنى أكون وصلتك لمعلومة.
----------------------------------
"حقوق الملكية الفكرية محفوظة، أي تعدي يُعرض للمساءلة القانونية بموجب القانون المدني وكود الحقوق الفكرية"
إري دحروج
Lyre de Mercure – Editions
KMT – Ancient Egypt
تعليقات
إرسال تعليق