أغاني موش عجباني
قال لصاحبه :
لو حد حلم انه صار معاه ملايين , وراح
يساعد الفقراء والمحتاجين , ويزور المستشفيات , ويقد تبرعات ويمر ع المرضي ويساعد
المحتاج منهم . ولما يمشي في شارع دايما يتلفت يشوف ان حد يسأل الناس المساعدة ,
فيقدم له احتياجاته . ويزرع شجر في الأماكن اللي يلقاها محتاجة شجر يخضرها ..
صديقه : دا
حلم كله خير ..
سأل صديقه :
يعني حلم من النوع دا .. مكن يكلم حبايبه عنه
صديقه : طبعا
.. دا كلام في الخير .. والحلم كله خير .
=
واذا حلم انه بقي معه ملايين , وراح ينفق بجنان , وحكي الحلم لمعارفه .. ويقول لحبايبه " أنا اتجننت ..
تقدروا تتجننوا زيي ؟ تعرفوا ؟
صديقه
: لا .. دي قلة أدب .. وقلة تربية .. موش أي حلم الواحد يحكيه للناس .. الأحلام
فيها هلوسات كتير .. والانسان ممكن يكحي لحبايبه الأحلام اللي فيها خير . اللي
تبشر بخير , اللي تعمل خير . موش الي فيها جنان .
= طيب
, واذ جِنانه وقلة أدبه أعجبوه أكتر , وكتبه في شكل أغنية ..!؟
صديقه
: هاهاها زاد الطين بلّة
= واذا
لقي ملحن يلحن الجنان وقلة الأدب ؟
صديقه
: دا اللي موش معقول بقي .. ! واللا دا اللي كان ناقص !؟
=
طيب واذا الملحن لقي مطرب يغني الجنان اللي لحنه !؟
صديقه
: ( باندهاش ) انت مالك النهاردا !؟ أكلت ايه ؟ شارب إيه !؟
=
أنا لا أكلت حاجة أخرف .. ولا شربت حاجة تسطل .. لكن اللي قلته دا حصل فعلاً .. ! بس صديقه : لازم دمه خفيف ! يوجد ناس أي حاجة فيها دم خفيف تبسطهم ويقبلوها , اشتمهم بدم خفيف ,, يضحكوا .. اضحك عليهم .. انصب عليهم بدم خفيف , يقبلوها .. اسرقهم , أحكمهم بالعصا والكرباج وبدم خفيف .. مافيش عندهم مانع .. توجد شعوب ما بتتقدم خطوة واحدة لقدام .. بالدم الخفيف اللي يضحك عليهم , بس يضحكهم ..
=
: معقووول .. للدرجة دي . و أغنية بالشكل دا !؟ .. الأغنية
اشتهرت جداً !
صديقه :
بيقول فيها ايه ؟!
بيقول : وأنا
ويايا بعيش زى المليونيرات
وأحلم
وأنا معاييش ملعنش الازمات
صديقه : ما يلعنش
الأزمات !؟ دي الأزمات فيها ناس بتفلس , وماس بتموت وقت
الأزمات . وناس بتنتحر . وناس بتيجي لها أمراض زي الضغط . القلب , السُكّر ..!
ييجي واحد يقول ما ألعنش الأزمات !؟ هو
فيه حد ما بيلعنش الأزمات !؟ إلا لو كان هو في كل الحالات بيسلِّك نفسه من سكك بقي
كدا والا كدا والا كدا .. موش عاوز أفسر ..
صديقه : وبعدين
بيقول ايه تاني ..؟
= بيقول :"مجنون وجنانى
دى عين العقل "
وجنانى
دى شئ مش سهل
تقدر
تتجنن زيى "
صديقه : لا
دا واضح انه شارب حاجة ومنعنشة معاه خالص .. !
صديقه : وبيقول ايه
كمان ؟
بيقول : أنا أحب أسهر
للصبح وعمرى ما روح بدرى
مخلوق
رافض للنصح والعمر بقيسه بسهرى
صديقه :
يعني واحد فاقد ؟ واللا صايع ؟واللا ايه ؟
صديقه : وبعدين ؟
بيقول ايه كمان ؟
= بيقول : وبصاحب
كل الخلق
البيه
صاحبى والفقرى
وأتعشى
فى باب الخلق – بالقاهرة -
وأفطر
عالبحر فى بحرى - اسكندرية –
أجى
أتغدى مالقييش
صديقه : وبيجيب
الفلوس دي منين ؟؟ بيضيع بالسهل
, اللي بييجي سهل بيروح سهل
= و ملعنش الأزمات
صديقه : ما يلعنش الأزمات عشان موش حتفرق عنده .. حيتصرّف ويسلِك نفسه وما له دعوة بغيره
!..
= يعني إما بياخد فلوس من أمه . ست غنيّة . يا إما شغال صراف في بنك , وحيتحبس
قريب , يا إما شاطر في النصب , وبسرعة حينصب علي واحد نصبة , وتتدبر )
= وأنا
ويايا بعيش زيى المليونيرات
وأحلم
وأنا معييش ملعنش الازمات
بحلم
وأنا معاييش
أنابحلم
وأنا معاييش
صديقه : ( بيحلم إزاي ؟ هي الفلوس بتيجي في الحلم . بتيجي بالحلم . الواحد يحلم بالفلوس تيجي له
؟؟ )
= ( فيه كام
واحد سمعوا الأغنية دي وعجبهم المذهب دا
.وجربوه وراحوا في داهية )
صديقه : وفيه كام واحد عجبتهم الطريقة دي وبيجربوا
فيها , ولسا حيروحوا في ستين داهية ؟؟
صديقه : مين اللي لحن الكلام دا ؟
= فاروق الشرنوبي ..
صديقه : تقريباً أنا فاكر اني سمعته يعزف وبيغني في
حزب التجمع الوطني التقدمي . أغنية تقدمية ملتزمة في الثمانينيات من القرن الماضي
.. تقريباً في الثمانينات أو أوائل التسعينيات من القرن الماضي .
= يمكن شرنوبي تاني غير الشرنوبي دا ؟ أو فاروق
تاني غير دا ؟
صديقه : يمكن .. ربما ..
صديقه : ومين المطرب اللي نِفسه طاوعته يغنيها ؟
= مدحت صالح .. !!
صديقه : اللي غني أغنية ملتزمة , وخد عليها جايزة
عالمية !؟ يقوم يسقط السقطة دي ؟؟
صديقه : ومين اللي ألف الكلام دا ؟
= موش مهم المؤلف .. موش غلطته ..
صديقه : صحيح , موش غلطته .. من حق أي انسان سكير عربيد .. ومن حق أي انسان فاقد أوصايع أو منحرف . مختلس
.. لص , مهرب مخدرات . قمرتي , نصاب .. انه يكتب مذكراته .. أو يلاقي مؤلف أغاني هابطة
لابطة .. يعملهاله أغنية ..
= لكن ان ملحن محترم يلحن حاجات من دي .. يبقي
عيب عليه
صديقه : وان مطرب محترم يقبل ياخد من الملحن كلام زي
ده ويغنيه .. يبقي يا عيب الشوم عليه .
= : بس مسطول دمه خفيف .. زي ما بيقول اللبنانيين " مهضوم " يعني دمه زي الشربات ..
صديقه : يقطع الدم الخفيف , ويقطع الشربات اللي يوصل للدرجة دي ..
= طيب يبقي خلينا نسمع أغنية عاقلة ومحترمة لمدحت صالح ,, وكمان نقول له : هاردلاك .. علي أغنية المساطيل دي .. معلش : لكل جواد كبوة , ولكل عالم هفوة ..
صديقه نسمع الأغنية اللي خد عليها جايزة دولية . أغنية تتسم بالانسانية . موش بالصياعة والاستهتار والاستهبال والفقدنة – أغنية أغني " كوكب تاني " :
صديقه : يقطع الدم الخفيف , ويقطع الشربات اللي يوصل للدرجة دي ..
= طيب يبقي خلينا نسمع أغنية عاقلة ومحترمة لمدحت صالح ,, وكمان نقول له : هاردلاك .. علي أغنية المساطيل دي .. معلش : لكل جواد كبوة , ولكل عالم هفوة ..
صديقه نسمع الأغنية اللي خد عليها جايزة دولية . أغنية تتسم بالانسانية . موش بالصياعة والاستهتار والاستهبال والفقدنة – أغنية أغني " كوكب تاني " :
رابط قناة هامة للأغاني :
=========================
============
ليست هناك تعليقات:
إرسال تعليق