صلاح الدين محسن
27-5-2021
تفتحت اذناي منذ الصغر علي أغاني شادية وعبد الحليم .. وظلّا للآن هما أحب اثنين عندي من أهل الطرب . وان كان احبائي من اهل المغني , كثيرات وكثيرون .. إلا ان شادية وعبد الحليم هما الأحب الي قلبي
عن سخاء وتبرعات شادية .. ما يلي نقلناه من الفيسبوك . صفحة السيدة ماجدة صبري . يوم 27-5-2021 :
لكل ممثل ظرف خاص بيه إلا شادية الأعلى أجر بتاخد ٤١ ظرف واحد مليان فلوس وده أجرها عن دورها في المسرحية وأربعين ظرف فاضي، الست شادية بتاخد الفلوس من الظرف المليان وتحطهم في الأظرف الأربعين الفاضية، وتمر على عمال المسرحية والكومبارس وتدي لكل واحد ظرف
واللافت للنظر إن شادية مش بتستدعيهم ولا تبعت لهم حد ولكنها بتروحلهم بنفسها ...
وده مش غريب على شادية اللي لما عرفت إن الممثلة سميحة توفيق (الهبلة الحماره أم بدوي في المسرحية) مريضة بالكبد قعدت تصرف على علاجها لمدة تقترب من ٣٠ سنة حتى وفاة سميحة توفيق في ٢٠١٠ ..
وفي بداية التمانينات شادية عرفت إن الدكتور مصطفى محمود بيبني مركز طبي عند مسجده بشارع جامعة الدول العربية بالمهندسين عملت ايه؟ اتبرعت بشقتها لبناء أول وحدة لاكتشاف مرض السرطان وكانت الشقة سبع غرف وقيمتها وقتها كان ١٥٠ ألف جنيه يعني أكتر من ١٠ مليون جنيه حاليا وسكنت شادية مع والدتها في شقة إيجار عند حديقة الحيوان بالجيزة . .
وكمان اتبرعت بأرض بتاعتها في حي الهرم لبناء مجمع طبي
-------------------
تعليقات
إرسال تعليق