إمارة هَبَلستان
إعداد : إدارة المدونة
١٩-٥-٢٠٢١
في امارة هَبَلستان , وفي سالف العصر والأوان .. الأمير ، أراد الخير والمصلحة لرجاله وأعوانه . فأوعز بعدم التصدِّي لفيروس قاتل . فراح الموت يحصد مواطنين كثيرين , وأعوان الأمير اثبتوا كفاءتهم في شغلة اللحاد - الحانوتي , كما يسميه المصريون - وربحوا الكثير . وحصلوا علي علاوات وترقيات , كلما دفنوا مواطناً ! .. وخربت بيوت كثيرة . وتعذب مواطنون كثيرون في الصراع مع المرض , وحُبِس معظم الشعب في الحظر . ودفع كثيرون غرامات مالية بحجة مخالفة التعليمات الصحية , وتيتم أطفال وترملت زوجات . وثكلت أمهات .. . وكلما أثبت أعوان الأمير براعتهم في شغلة الحانوتي - اللحاد , كلما زادت ترقياتهم وزادت العلاوات الممنوحة لهم . وحصلوا علي نياشين لقيامهم بحماية أمن البلاد ! بالاسراع في دفن الموتي ضحايا الوباء لمنع انتشاره - دون التصدي للفيروس نفسه بتطعيم الناس باللقاح اللازم !! .
----- التالي منقول من الفيسبوك . صفحة صحافي ( .؟. ) :
Group by Adel Gerges
صالون عادل جرجس الثقافى
Public group
From Notifications
عصام السيساوي shared a post.
وائل الحصري
اقرأ واستمخ... وانبسط وافتخر 💪🇪🇬
💥💥💥💥💥( هجمة مرتدة ) 💥💥💥💥💥
خيوط المؤامرة على الوطن العربي ابتدت من بدري
سعد الدين ابراهيم اهم واخطر عميل لأجهزة مخابرات معادية لمصر .
راجل باع نفسه لجهاز الموساد في الستينات لدرجة ان الرئيس الراحل جمال عبد الناصر سحب منه الجنسية المصرية ، سافر لدول كتير ابرزها امريكا وكان استاذ في علم الاجتماع ، رجع مصر وبدأ يمارس نشاطة السياسي او في الحقيقة ( مهمته ) تحت ستار مركز اسمه ابن خلدون .. نشاط المركز المعلن هو الدفاع عن حقوق الإنسان والمجتمع المدني .
لكن نشاطة الحقيقي هو التخابر والتجسس لصالح اجهزة مخابرات معادية لمصر .
برز دوره في التسعينات وبداية الألفينات في تجنيد عناصر مصرية وعربية للتخابر وجمع المعلومات وكتابة التقارير ، وتم اتهامه من النيابة المصرية بالتجسس اكتر من مرة لكن كان كل مرة يخرج براءة .
زار إسرا.ئيل والقى محاضرة في جامعة تل ابيب ودعى للتطبيع بشكل صريح وعلني ، تم تكليفه انه يكون هو حلقة الوصل بين تنظيم الاخوان الارها.بي وبين الادارة الامريكية ، تم تكليفه من قطر انه يدعم جماعة الاخوان ولكن بشكل مستتر ، تم تكليفه من قبل جهاز المو.ساد انه يحرض على الفتنة الطائفية بين المسلمين والمسيحيين في مصر ونجح في ده بشكل كبير في فترة من الفترات وخصوصا في الصعيد ، تم تكليفه بتبني قضية استقلال النوبة وانفصالها عن الدولة المصرية ودعى لده بشكل مباشر وصريح ، تم تكليفه بالدفاع عن جماعة الاخوان الإرها.بية بشكل مستتر بعد ثورة 30 /6 ، كان مسؤول عن توصيل تكليفات الإدارة الأمريكية او بمعنى اصح المخابرات الامريكية والانجليزية والاسرائيلية للاخوان من داخل السجون ، تم تكليفه بتدويل ملف المعتقلين والترويج له في امريكا والاتحاد الأوروبي ، تم تكليفه بملف المصالحة بين الدولة المصرية وبين تنظيم الإخوان الإرهابي داخل وخارج مصر ، تم تكليفه بتشويه صورة النظام المصري لكل منظمات المجتمع المدني وحقوق الانسان في الخارج ..... وعشان مطولش عليكم فهو تم تكليفه بإسقاط الدولة المصرية بكل الأشكال والألوان .
غير كم الجواسيس اللي جندهم او حاول يزرعهم في مصر تحت ستار منظمات حقوق الانسان والمجتمع المدني ، كلهم كانوا بيتلقوا تكليفاتهم منه .
حتى زوجته الأمريكية اللي اسمها باربرا فهي من اخطر عملاء جهاز المخابرات الامريكية داخل مصر ، وبتساعده وبتتعاون معاه في عمله المخابراتي والتجسسي بشكل كبير جدا وفعال .
طيب جميل جدا .... هو فين بقى الراجل الخاين الجاسوس ده ؟
موجود وطليق وبيكتب مقالات حتى الان في الجرائد والمواقع المصرية .
نعم ؟!!! يعني متسجنش ولا اتعدم ولا خد قلمين حتى ؟
لا خالص ولا حد قربله ، وكل مره كان بيتم توجيه اتهام ليه ويتعمله قضية كان بيخرج منها ويرجع يمارس نشاطه عادي .
ده حتى من 2011 لحد 2018 في عز اللي كان بيعمله في مصر وبيحاول يوقع الدولة كانت كل البرامج المصرية بتستضيفه وبتخليه يتكلم براحته تماما .
طب ليه يعني مش فاهم ؟!
بص بقى ركز معايا كده .....
المخابرات العامة المصرية عارفة وراصده دور سعد الدين ابراهيم من عشرات السنين ، وتحديد من بداية الألفينات لما تم تكليفه بأنه يكون أحد اهم رجال اجهزة المخابرات المعادية في تنفيذ مخطتهم اللي بيتم تدبيره لمصر ... ولما المخطط ده اتعمل في 2011 على ايد سعد الدين ابراهيم اتساب برضو .
طب لـــيـــــــــــــــــــــــــــــــــــه ؟؟؟؟؟؟؟؟؟
ليه دي بقى عشان اجاوبك عليها يبقى لازم تعرف قواعد اللعبة الجديدة .
جهاز المخابرات العامة المصرية ايده طايله وعيونه في كل مكان في الدنيا ، عارفين كويس دور سعد الدين ابراهيم ، بس قواعد اللعبة بتاعه زمان وانك لما تعرف ان فلان جاسوس تروح تقبض عليه دي مبقتش هي دي قواعد اللعبة .
المخابرات العامة المصرية بقالها اكتر من 20 سنة بتلم كل خيوط سعد الدين ابراهيم وقبضت على شبكات كاملة وعشرات الجواسيس وعرفت آلاف المعلومات والوثائق والخطط اللي كان سعد ابراهيم بيدبرها لمصر من خلال تكليفه من مثلث الشر ، المو.ساد والمخابرات الامر.يكية والبر.يطانية .
ساعات بيمثلوا دور اللي مش شايف ولا عارف ، وساعات بيمثلوا دور ( عدم كفاية الأدلة ) .... مع انهم معاهم أدلة توصله لحبل المشنقة مستريح ، لكن سايبينه لان وجوده حر طليق كان مخلي الأجهزة دي معتمده عليه بشكل قوي جدا ، وبما انه تحت عين صقور المخابرات فكل خطط مثلث الشر كانت بتوصل للمخابرات المصرية بشكل سهل وسريع .
كانوا عاملين من بنها زي ما بيقولوا .
لكن لما الدولة استقرت واللعبة قواعدها اتغيرت يبقى جه وقت الحساب .
فأتعمل #هجمة_مرتدة .
مسلسل هجمة مرتدة مش مجرد مسلسل بيحكي قصة مخابراتية عشان نتفاخر بجهازنا القوي وببلدنا وابطال بلدنا لأ ... المسلسل ده رسالة لأجهزة مثلث الشر في المقام الأول .
بنوريهم ازاي احنا كنا مخترقينهم وعارفين رجالتهم وبالأسم والصورة والتاريخ والمكان وكل التفاصيل .
طب وسعد الدين ابراهيم ازاي سايبنه كده لحد دلوقتي ؟
مهو اكبر عقاب له هو والأجهزة اللي شغلته انه يطلع كل شغلهم السنين اللي فاتت دي مخترق وباظ ، كل المليارات اللي دفعوها اتحرقت ، كل العملاء اللي جندوهم وشغلوهم اتحرقوا ، كل خطتهم ومؤامرتهم اتحرقت ، شايفنها بتتحرق ادام عينهم في 30 حلقة على التليفزيون صوت وصورة .
في اكبر من كده فضيحة وعقاب !
احساس سعد الدين ابراهيم ايه وهو بيتفرج على نفسه دلوقتي وهو طالع جاسوس وخاين لمصر ؟ احساسه ايه انه كان فاكر نفسه اخطر عميل في العالم وطلع اغبى عميل في العالم ؟!
في روس هتطير ومحاكمات هتتعمل في اجهزة مخابرات كبيرة بسبب مسلسل هجمة مرتدة ، ازاي كنتوا معتمدين على الشخص ده وغيره السنين دي كلها وهو في الاخر كان الطُعم اللي كان راميه جهاز المخابرات العامة المصرية ليكم ؟!
ازاي كان بيتضحك عليكم السنين اللي فاتت دي كلها ؟
ده مش بس فشلتوا.... ......... لأ .... ده المخابرات المصرية عرفت عنكم معلومات رهيبة ... تخيل تبقى معتمد على عميل لمده خمسين سنة كاملين وفي الاخر يطلع كمين ومن خلاله الجهاز التاني بيعرف عنك كل حاجة !
دي مش هجمة مرتدة ! دي ضربة قاضية قاضيه بجد
-------------------------
تعليقات
إرسال تعليق