قفا بنا نبكي علي وطن يباع - مجمع الألومنيوم

إعداد : صلاح الدين محسن

19-9-2022

من الفيسبوك يوم ١٨-٩-٢٠٢٢

Mohamed Huussien  / share Maher Abidef

مجمع الألومنيوم بنجع حمادي، الأكبر في مصر وإفريقيا والشرق الأوسط معروض 65٪ منه للبيع

لمستثمر عربي ب200 مليون دولار.. بمعني 

أن المجمع بالكامل قيمته 300 مليون دولار تقريبا ، مع إن أصوله تساوي عشرات المليارات (بدون مبالغه)..

🔹️-مجمع فيه 25 ألف عامل وموظف..وخطوط إنتاج من أكبر خطوط الانتاج عالميا

🔹️-فيه 15 عنبر. طول العنبر الواحد فيهم كيلو متر كامل

🔹️-مجمع ليه مرسي نهري خاص وخط سكة حديد بيربطه بميناء سفاجا..

🔹️-موجود فيه فنادق و مجمعات سكنية ومستشفي علي أحدث طراز وسوق تجاري وملعب كرة مجهز "ملعب الألومنيوم الشهير" علي مساحة ملايين الأمتار..

🔹️-المجمع يمتلك غابات محيطة مساحتها شاسعة لامتصاص الانبعاثات علي مئات الفدادين

🔹️-المجمع يمتك أسطول من سيارات النقل تكاد تكون الأكبر في مصر

الكلام دا حقيقي ومش مبالغ فيه ، لأن جزء كبير من عيلتي هناك و عشت دا كله علي أرض الواقع وشفته بعيني..وعشت ف نواديه وملاعبه وحدائقه أحلي أيام طفولتي..

كل دا وعاوز تبيعه ب200 مليون دولار وتتنازل عن 65٪ منه...! اللي هو ميجيش تمن قصر  او برج ولا كوبري.

دا ميجيش تمن خط السكة الحديد بتاع المصنع..أو برجين جداد ف العاصمه الإدارية، وما يجيش 10% من قيمة القطار المعلق ال الحكومة بتعمله؟!!!

طب افتحه شركة مساهمة والمصريين يشتروه والمصنع يشتغل ويكبر ويتوسع.! وخلي بيوت الغلابة مفتوحة !!

طب هل من المنطق عرضه للبيع في نفس الشهر ال الحكومه بتتفاوض فيه لشراء طيارة رئاسية جديده بقيمة 500 مليون دولار؟!!

و الإعلاميين (مشكورين) لم ينفوا الخبر ، بس قالوا اتقوا الله دي ب240 مليون بس!

يعني محتاجين مصنعين 3 جنب مجمع الألمونيوم يتابعوا عشان نجيبها؟!!!

والله والله كلام يطلعنا من دايرة الفشل الإداري لدايرة الإفشال و الافساد الممنهج المتعمد ، ولا حول ولا قوة إلا بالله العلي العظيم☝😑منقول من صديق