صورة وتعليق .. سياسة وعسكر واخوان وسلفيين

الصورة منقولة من الفيسبوك / صفحة ماهر أبو ضيف . يوم 17-9-2022 مشارك مع تعليق يوم 13-9-2022 ل : Nabil Andrawos يقول :

رجل مصري و خطيبته قاعدين قعدة رومانسية علي نجيل نافورة تمثال رمسيس في ميدان رمسيس ١٩٧٠ قبل انور السادات و حسني مبارك

وكان هذا التعقيب ل صلاح الدين محسن  يوم 17-9-2022 :

وعبدالناصر , هو اللي سلمها للسادات .. والسادات هو اللي سلمها لحسني مبارك .. وحسني مبارك هو اللي سلمها لطنطاوي .. وطنطاوي - هو اللي سلمها لمرسي , والسيسي كان مع طنطاوي في المجلس العسكري لما سلموها لمرسي , وكانوا رسمنها سوا , انهم يخدوها تاني من مرسي , بعد سنة واحدة . كانوا متأكدين انه راح يلخبط ويعك .. في السنة دي . والشعب حيثور علي مرسي , والسيسي يشيله , وكدا العسكر ياخدوا الكورة من " مرسي " تاني .. ولا يزال ماتش لعبة العسكر .. سارياً .. ولعب العسكر بالسلطة والحكم ما بتكملش ولا تحلوش معاهم الا بوجود الاخوان , وأدخلوا السلفيين كمان في اللعبة .. وماتش العسكر والسلفيين والاخوان شغال , والنتيجة : 1000 / صفر . والشعب هو الخسران . ولما يكون الشعب هو الخسران , لازم في النهاية الخسارة بتقلب علي دماغ الكل , حكومة وأهالي , وعسكر وسلفيين وأخوان .. علي دماغ الجميع . زي ماهو حاصل - بعيد عن السامعين - في سوريا وليبيا واليمن والعراق . / بعيد عنكم .