من مذكرات اسماعيل يس

كأن اسماعيل يس  , في مونولوج " عيني علينا يا أهل الفن " .. ,كان يتنبأ بالنهاية الحزينة  التي ستنتهي بها حياته .. نستمع للمونولوج , ثم نقرأ ما نابه في نهاية العمر .. 

 نهاية حياة سمعة :

منقول - من مذكرات اسماعيل ياسين

بعد ماخسر فلوسه بسبب الضرايب الكبيرة اللي وقعت عليه .. باع عمارته و انحلت فرقته المسرحية و رجع يشتغل منولوجست في كباريه زي ما بدأ 

💔 أنا أربعين سنه شغل و تعب و جهد ، مثلت 400 فيلم و عملت 300 مونولوج و مثلت 61 مسرحيه كنت عامل زي الدوا للانسان المهموم عشان أضحكه و أنسيه همه و غمه، مش دي تكون نهايتي أبدا 

أنا خدمت البلد دي و انتو عارفين كويس .. انا عملت افلام للثورة برضايا و بغير رضايا ، أنا غنيت للجيش و اتبرعت بإيرادات حفلاتي كلها في 56 

مش دي تكون نهايتي ابدا ، الناس تنسي ده كله و يفتكروا إن أنا في آخر أيامي رجعت أشتغل في كباريه

طب أعمل ايه؟ أعمل ايه؟! أصرف علي إبني ومراتي منين؟!

أنا اربعين سنه جهد ماخدتش شهادة تقدير ولا حتى ميداليه صفيح، بالعكس كل مليم حوشته في حياتي اتاخد مني ومالقتش حاجة اعيش عليها .. مش دي تكون نهايتي أبدا -  

 ========