أنا مواطن بسيط

صلاح الدين محسن

20-12-2022

انا مواطن بسيط . في الاول خليني أشعر ان حالتي بتتحسن . دخلي بيزيد , الاسعار بتتحسن , الخدمات رسومها بتقل .. ولو بنسبة بسيطة . موش كل يوم أسعار السلع بتزيد وتزيد وتزيد  . لا عايزها تقل .. وبعدين كلمني عما بنيته , وما افتتحته , وما انجزته , وما حققته وما اكتشفته .. وما  وما  وما .. ! 

لو أنا حسيت ان حالتي بتتحسن , وتقول لي أرقام بالمليارات عن انجازات .. ماشي مفيش مانع .. تكلمني عن ارقام بالبليون بالتريليون .. ماشي مفيش مانع . ممكن أصدقك .. بس أحس ان حالتي المعيشية في الطالع , ولو بالسنتيمتر ولو بالمليمتر . موش كل يوم في النازل للسيء والأسوا وبالمتر !! وعلي طول علي طول !!! وتوجع دماغي بارقام عن انجازات حققتها !! أنا دماغي بيتعب من الأرقام . أنا مواطن بسيط . لما سعر الغاز والماء والكهرباء ينخفض .. دي افهمها . لما المواد التموينية تتوفر واسعارها تقل .. دي أقدر افهمها بسرعة , لما فاتورة التليفون والانترنت تقل .. دي أفهمها .. لما ايجارات المساكن وأسعار الشقق تقل .. دي أفهمها .. لكن ارقام بالمليارات والبليونات والتريليونات عن انجازات واكتشافات وحاجات من دي .. كدا ما أفهمش . ومخي يتعب وما يتحملش . أنا مواطن بسيط .

____________________________