ولا حاجة تريدها - مكتفية بكل حاجة !

من الفيسبوك - صفحة : مجلة دانتيلا

مريم فخر الدين وابنتها من محمود ذو الفقار :

 انا مبقفش قدام عيالي في حاجة ابدا ، يعني جت بنتي بعد الثانوية العامة قلتلها عايزة تطلعي ايه يا ايمان ؟؟ قالتلي "ولا حاجة".. قلتلها مش ممكن فيه بني آدم يطلع ولا حاجة كده في الدنيا !! ، قالتلي لأ ولا حاجة .. طب اطبخيلك طبخة اعمليلك فنجان قهوة ، لأ معملش قهوة ، بالكتير بالكتير تعمل شاي .. طبعا انا كنت محطمة من الحتة دي طب تعالي مثلي ده انتي أبوكي محمود ذو الفقار وعمك عز الدين ذو الفقار ومرات عمك فاتن حمامة وعمك صلاح ذو الفقار ومرات عمك شادية وخالك يوسف فخر الدين. يعني دي بؤرة فن ، البت دي بتكره السينما خالص .. 

عايزة تعملي ايه طب في حياتك ؟؟

 لأ ولا حاجة كده ..

انما اتضح ان كلمة "ولا حاجة" دي لها طريق عظيم جدا وهي ناجحة أكتر مني

 لان هي بتركب عربية مرسيدس مش دافعة تمنها جوزها اللي دافع تمنها ، وبتدلدل شعرها الطويل من الشباك 

وهي ولا حاطة بنزين ولا صلحت العربية ولا عملت الرخصة ..

 انا يوم ما أركب عربية لازم اشتريها ولازم أصلحها لو خربت وأحطلها بنزين ومعرفش ادلدل شعري كمان لاني ماسكة الدريكسون هسوقها 

 فهي أحسن مني .. وساكنة في بيت أحسن من بيتي وجوزها مبسوط منها جدا لان واحدة معملتش ولا حاجة  فعلطول مبتسمة هتزعل ليه ؟؟

مريم فخر الدين عن أهمية "الولا حاجة" 😂♥️

من برنامج سواريه قناة ماسبيرو زمان

--- 

تعليق صلاح : شعرت انها لا ينقثها حاجة

كل المجد الفني معاها

وماذا يمكن أن تفعل لتضيف لما فعلته عائلتها ؟ 

ولا حاجة 

مكتفية . 

وراضية .

وسعيدة 

.... ! ...

----- الطفلة - 10 سنوات - ابنة حلمي بكر -الموسيقار الشهير ( خالتها شويكار .. وزوج خالتها فؤاد المهندس)

لعل تلك الطفلة قد كبرت الآن

في حديث مع والدها سُئلت  عما تريد أن تكون .. عندما تكبر

فقالت ببساطة و براءة وقناعة : أي حاجة ..

____________________________