أنا مواطن بسيط - كلاكيت 1
أنا مواطن بسيط .
صلاح الدين محسن
سبق النشر - بتاريخ 20-12-2022 / عدا الصورة والفيديوهات -
أنا مواطن بسيط . في الأول خليني أشعر ان حالتي بتتحسن .
دخلي بيزيد , الاسعار بتتحسن ,
الخدمات رسومها بتقل .. ولو بنسبة بسيطة .
موش كل يوم أسعار السلع بتزيد وتزيد وتزيد .
لا ..عايزها تقل ..
وبعد كدا كلمني عن اللي انت بنيته , وما افتتحته , وما انجزته , وما حققته وما اكتشفته .. وما وما وما .. !
لو أنا حسيت ان حالتي بتتحسن , وتقول لي أرقام بالمليارات عن انجازات .. ماشي .. مافيش مانع ..
تكلمني عن ارقام بالبليون بالتريليون .. ماشي مافيش مانع . ممكن أصدقك ..
بس أحس ان حالتي المعيشية في الطالع , ولو بالسنتيمتر ولو بالمليمتر .
موش كل يوم في النازل للسيء والأسوا وبالمتر !!
وعلي طول علي طول !!!
وتوجع دماغي بارقام عن انجازات حققتها !! أنا دماغي بيتعب من الأرقام .
أنا مواطن بسيط .
لو سعر الغاز والماء والكهرباء ينخفض .. دي أفهمها .
لو المواد التموينية تتوفر واسعارها تقل ..
دي أقدر افهمها بسرعة
لو فاتورة التليفون والانترنت تقل .. دي أفهمها ..
او ايجارات المساكن وأسعار الشقق تقل ..
دي أفهمها ..
لكن ارقام بالمليارات والبليونات والتريليونات عن انجازات واكتشافات وحاجات من دي ..
كدا ما أفهمش .
ومخي يتعب وما يتحملش . مخي يهنج !!
أنا مواطن بسيط .
كلمني علي قدي
كلمني بلغة أفهمها ..
أنا مواطن بسيط .
https://x.com/drhossamsamy65/status/1707418376123855202?s=20
=====
تعليقات
إرسال تعليق