تكنولوجيا للشر فقط ! للحرب والدمار والخراب فقط !
صلاح الدين محسن
5-2-2026
منقول :
زمان لما كان الحمام الزاجل بيتسخدم في المراسلات بين الناس دلوقتي بقى الحمام هيرجع يستخدم تاني لكن المرة دي بقى مختلفة
مع تقدم التكنولوجيا وفي ظل التطورات اللي حاصلة في العالم اليومين دول روسيا طلعت بفكرة جديدة خالص
روسيا دلوقتي بتجهز الحمام عشان يبعت صور وفيديوهات للمخابرات ازاي بقى
بص القصة غريبة لدرجة إنك ممكن تفتكرها فيلم خيال علمي بس هي حقيقية
صحيفة التايمز البريطانية كشفت إن شركة في روسية شغالة على مشروع اسمه بيحول الحمام لكائنات سيبورغ يعني نص كائن حي ونص آلة
الفكرة ببساطة إنهم بيركبوا شريحة إلكترونية صغيرة جوه دماغ الطائر ومعاها كاميرا على صدره وكل ده بيتوصل بجهاز تحكّم عن بعد.
يعني بالمختصر حمام بيتحكموا فيه من موسكو
الشركة بتقول إن الحمام ده بيطير ساعات طويلة وما حدش يشك فيه وبيقدر يدخل أماكن مغلقة أو مناطق محظور تحليق الدرونز فوقها.
غير كده الطائر شايل شنطة صغيرة بالطاقة الشمسية فيها نظام تحكّم وكاميرا يعني ممكن يفضل في الجو يوم كامل من غير ما يحتاج بطارية أو شحن
التقارير بتقول إن المشروع واخد تمويل ضخم جدا من جهات مرتبطة بالكرملين وحتى ابنة بوتين نفسها كاترينا تيخونوفا داخلة في الموضوع
وده اللي خلى ناس كتير تقول إن القصة مش مجرد بحث علمي دي خطة طويلة المدى لتجهيز جيش من العصافير الجواسيس يخترق بيه بوتين أجواء خصومه من غير ما حد ياخد باله.
بعض الخبراء حذروا إن التكنولوجيا دي ممكن تتطور في المستقبل وتستخدم في مهام عسكرية زي نقل مواد أو حتى تنفيذ عمليات دقيقة جوه أراضي العدو.
لكن الشركة الروسية ردت وقالت: المشروع مدني
--
منقول من " خمسة بالعربي " الفيسبوك 5-2-2026
https://www.facebook.com/share/p/1DeavsRyGC/
------------------
تعليقات
إرسال تعليق