من مختارات - صلاح الدين محسن
30-10-2026
يا 3 قمرات : طلوا علي سطوحي ... يا 3 يمامات : علي شجرة توت / من اغنية للمطربة " هدي سلطان " ضمن مسلسل تليفزيوني إذاعي
-----
منقول من موقع : سيدات مصر 28-10-2026
أيتن وأيسل وأسيل خالد ثلاث توائم عندهم 14 سنة، وكل واحدة فيهم لها شخصيتها وموهبتها الخاصة. من صغرهم وهم بيحبوا الفن والرسم والعزف، ومع الوقت بدأ حب الغناء يكبر، ويبقى جزء مهم من حياتهم.
بدأت رحلتهم الفنية مع فريق كورال غنوة، وشاركوا معاه في حفلات وفعاليات ولقاءات تليفزيونية مختلفة. ومن التجارب المميزة في مشوارهم لقاءهم مع الإعلامي رامي رضوان، ومشاركتهم في احتفالية القنصلية الصينية بالعيد القومي للصين، بحضور المايسترو غنوة شرعان والقنصلة الصينية ومحافظ الإسكندرية. التجارب دي ساعدتهم يكتسبوا خبرة وثقة أكبر، ويتعلموا حاجات جديدة.
وبجانب حبهم للفن، أيتن وأيسل وأسيل مهتمات بدراستهم، وكل واحدة عندها أحلام بتتمنى تحققها، سواء في الفنون الجميلة أو الألسن أو مجالات تانية تكتشف فيها قدراتها. كمان بيحلموا يكملوا تعليمهم، ويسافروا لاستكمال الدراسة والتعرف على ثقافات مختلفة.
ومش بس التلات توائم اللي عندهم مواهب، لكن أختهم الصغيرة آيلا، اللي عندها 8 سنين، موهوبة هي كمان وصوتها جميل، وبتشارك أخواتها حب الغناء، وظهرت معاهم في عدد من الحفلات واللقاءات.
https://www.facebook.com/share/p/14syA4JMrDw/
____________________________
ليست هناك تعليقات:
إرسال تعليق