الخرافات الطبية عند العرب زمان

إعداد : صلاح أ محسن

من الفيسبوك.  24-4-2026  صفحة : د.عماد عازر

Mahmoud El Masry - محمود المصري :

بخصوص الخرافات الطبية، العرب زمان كان عندهم اعتقاد راسخ إن لامؤخذة الخصية الشمال قيمتها الحيوية والمادية أكبر بكتير من اليمين

وكانوا بيعتبروا إن إصابة الخصية الشمال خسارة لا يمكن تعويضها تقترب من قيمة حياة الإنسان نفسه، وده كان طبعاً بيأثر على قيمة الديات والتعويضات

لدرجة ان ديّة الإنسان كانت ١٠٠ جمل، والخصية الشمال لواحدها كانت ٦٦ جمل 

في حين ديّة الست كانت كاملة ككائن حي، ما بين ٣٠ لـ ٥٠ جمل 😀

وده ليه بقى؟

لإن كان فيه اعتقاد سائد إن السائل المنوي اللي بيخرج من الخصية الشمال هو اللي فيه "الروح" والقدرة الحقيقية على الإنجاب، لدرجة إنهم تخيلوا إن الراجل لو فقد اليمين لسه يقدر يخلف، لكن لو فقد الشمال يبقى خلاص انقطع نسله

وده كنت منتشر عند قبائل كتير، ولأنها خرافة فكان منتشر عكسها تماماً عند قبائل تانية 

كان في قبائل تانية بتقول إن لامؤخذة الخصية اليمين هي اللي بتجيب الذكور، والشمال دي الي بتجيب بنات 

وعشان كدة كانوا بيعلوا دية اليمين لأنها مصدر خلفة الولد 

والخناقة دي دخلت في جدال فقهي وطبي طويل، لدرجة إن بعض الأطباء القدامى كانوا بينصحوا الراجل اللي عايز يخلف ولد إنه يربط الخصية الشمال بخيط حرير وقت الجماع عشان يعطل مفعول الخصية اللي بتجيب بنات!

تخيل بقى كمية المعاناة والوهم اللي كان الناس دي عايشين فيه بسبب شوية خرافات وأوهام 

والخرفات دي فضلت مستمرة لحد النهاردة، وأكبر مثال على ده هو اللي كان بيعمله ضياء العوضي الله يرحمه ويسامحه 

وفي زمن السوشيال ميديا، بقى الهبد الطبي أسرع من العدوى، وعشان كدة ما ينفعش نسلم عقلنا وصحتنا لأي حد يطلع يتكلم بثقة أو يبيع لنا أوهام 

لإن الصحة مش مجال للتجارب، ولازم دايماً ندور على المصادر الطبية المعتمدة والموثوقة، ونسأل الأطباء المتخصصين اللي كلامهم مبني على أبحاث وعلم حقيقي مش خرافات

https://www.facebook.com/share/1BBcPucUPm/

____________________________