الحواوشي عام 1938 !!

إعداد صلاح الدين محسن

 23-3-2024

منقول من الفيسبوك يوم 23-3-2024 

صفحة : حكايات مصر المنصورة - د.ايهاب الشربيني

تسالي صيام ... إمبارح عملت موضوع عن رغيف الحواوشي وتاريخه اللى يعود لبداية الأربعينيات فرد أحدهم وقال لي إن الحواوشي يعود لعام1971حسب هيئة الاستعلامات... والحقيقة إن مخترع الحواوشي هو الحاج مصطفى الحواوشي ابن قرية الحواوشة دقهلية ودي فاتورة تعود لسنة38 بيبيع فيها لحوم لكن منصحكش تبص على الاسعار فيها عشان متتعبش نفسيا ... وكان بيجمع بقايا تقطيع اللحم يعمل بيها سندوتش حواوشي يقدمه مجانا او بسعر زهيد للبسطاء وبعد كدا انتشر في كل مصر ...

وبعدين حواوشي ايه اللى من سنة71؟ افتكر لما كنت طفل ابويا ياخدني المتشات في استاد المنصورة أيام عز فرقة المنصورة ، وكنت افضل منتظر الراجل اللى شايل باستلا بلاستك وبيقول حواوشي رغيف باللحمة عشان اجيب منه ...

وبرضوا سألني أحد الأصدقاء في الصفحة مين أحسن حد يعمل حواوشي ؟ فكانت إجابتي له واضحة قلت له: مفيش اعمل ف البيت أحسن

ومع ذلك لو فيه محل شايف انه واثق في نفسه وبيقدم حواوشي مميز يعرفني أشتري منه ووعد أعمل له دعاية لو عجبني بس مظنش..

أعتذر لأي حد جاع دلوقت واحنا صايمين.. وعاوزين أراءكم

____________________________